الوطن الما تحمية رجاله يعتبر وطن للنساء فقط

يكول بروسلي لا تدعوا الله ان يرزقك حياة سهلة بل ادعوا الله ان يرزقك القوة الكافية لمواجهة حياتك الصعبة ------------- هسة احنة على هذا وضعنة ما محتاجين وندعوا يا الله احمية ياربن استرنة ونعيش براحة لا بعد عمك بعد أخوك احنة محتاجين قوة ضاربة تسقط الحكومة الفاشلة لان ما اتصور الله يسوي بينة هيج هذا الجاي يصير بينة بسبب ناس فشلة قتلة سراق حكمونة واحنة وافقنة بحكمهم الفاشل ومعاملتهم السيئة النة كلما يطلع صوتنة يحركونة مثل ............ الله مستحيل يفعل هذا الفعل الي يكول اله بيها أرادة رب العباد هذا غلطان ومتوهم لان ما يعرف الله زين وما قاري كتابة بتمعن الله مستحيل يأذي بشر هو خالقة مستحيل كلمن يكول هاي قسمة اكله انت غلطان ومتوهم وحى فاشل وكلمن يكول هذا غضب الهي اكلة نفس الكلام انت فاشل ومتوهم هذا عبث بينة هذا تدمير النه من ناس سراق قتلة وعلينة ان نوقفهم عد حدهم واذا سكتنة هاي المرة ترة والله العظيم يصير بينة اكثر من هذا وانتم جاي تشاهدون قبل التفجيرات تاخذ عشرة عشرين او اكثر بس هسة صار عدهم شي عادي وكاموا يفجرونة وكل تفجير ياخذله اكثر عدد ممكن بحيث يتعدة المئات والتفجيرات صارت بشكل غريب يعني شنو تفجير يحرك مولين متقابلات وبدون اي ضرر بالجدران وشنو اشخاص جثثهم مخفية ولحد الان محد عثر عليهم ولسة مفقودين لتكلي دي ان اي وراح يفحصون الجثث ويتعرفون عليهم . لا حبيبي اكو اشخاص ملكولهم اثر لحد الان المهم بالنهاية احب اكلهم احنة محتاجين قوة تنبع من داخلنا لأزاحة هولاء الشله القتلة من السلط وهاي القوة ما تجي اله نتحد سنة وشيعة المعتدلين من الطرفين والمتعصبين يجيهم يوم ويصحون على نفسهم المهم احنة هسة نكون ايد وحدة ضدهم وتصير ثورة حقيقية بدون تدخل سياسي او قبلي او حزب صيروا رجال ودافعوا عن وطنكم ترة الوطن الما تحمية رجاله يعتبر وطن للنساء فقط